روح جديدة بهالقداس

رانيا العش

(شبيبة وزهيرات مار فرنسيس)

روح جديدة بهالقدّاس
ضمّت كل قلوب الناس
عاشت بالحب والاحساس
وحّدت كل الأجناس
روح جديدة بهالقدّاس

     * * * * *

خلتني أسهر هاليوم
تركتني فايق بلا نوم
عرفتا أنا من بعد الصوم
بعّدت عن قلبي اللوم

     * * * * *

زادتني جوا ايمان
ملّتلي قلبي غفران
عرفت بقربا هالانسان
كيف يبقى بوقتو فرحان

     * * * * *

غيّرتلي حياتي بدّلتلي كلماتي
خفّفتلي دمعاتي قلّلتلي آهاتي

بحبّك يا فرنسيس

ناديا تفنكجي - ماريا مانتوفاني - كارول حتحوت

(شبيبة وزهيرات مار فرنسيس)

بحبّك يا فرنسيس بعدلك يا فرنسيس
بقلبك بأمانك بصوتك يا فرنسيس

     * * * * * *

ضوّيتلنا شموع جديدة
حبّك إلنا كلمة سعيدة
أبداً أبداً مانا بعيدة بقلبك يا فرنسيس

     * * * * * *

عشنا الكلمة وأنت معنا
نسينا الدنية نسينا أحزانا
وصار الحب بيتمنانا بفضلك يا فرنسيس

     * * * * * *

فقر وجوع بفرحة كبيرة
لقمتنا طيبة وصغيرة
ونمنا ع َ أرض وحصيرة متلك يا فرنسيس

ربي يسوع

دارين العسافين

(شبيبة وزهيرات مار فرنسيس)

بجنبك يا يسوع بتحلى أيامي
وبقربك يا يسوع بتزهر ساعاتي

 * * * * * * * *

بعتمات الليل بناديلك

ربي يسوع بصليلك
خليك بقربي بحكيلك

حكاية حبي برويلك
بعتمات الليل بناديلك

 * * * * * * * *
خلّصت الكون بصليبك

بفرحي وآلامي بغنّيلك

لا تبعد عنّي بناديلك

صلاة من قلبي بهديلك

خلّصت الكون بصليبك

 * * * * * * * *

خلّيك جنبي على طول

حتى فرحي فيك يطول
مهما ربي انت تقول

بحياتي انت المسؤول
خليك بجنبي على طول

لا تغيب

فراس كالوسية - ميرنا قره

(شبيبة وزهيرات مار فرنسيس)

بغيب بغيب عن وعي بغيب
لما بشعر أكيد انّك عن قلبي بعيد بعيد
بغيب بغيب عن وعي بغيب
لما بضعف وبسلّم للشرّ الجاية أكيد أكيد

     * * * * * * * * * *

لا تبعد أبداً عنّي لا تشيل الكلمة منّي
عم صلّي وأنا مستنّي لتغفر لي من جديد
كيف أقوى على نسياني وانك ما بتنسى مكاني
أنت الرب الأحياني وخلاّلي عمري سعيد

     * * * * * * * * * *

العيشة صارت صعبة والفرحة نسيت قلبي
أنا عم أضعف ما بخبّي خلّيك بقلبي شديد
إيماني بحياتك وبتغنّى بكلماتك
لمّا بتعطيني ذاتك بيلين قلبي اللي حديد

قصة حياة

الياس زيات

(مع عزف منفرد على العود)

(شبيبة وزهيرات مار فرنسيس)

قلتلّك كل الكلام وبقدّملك كل الأحلام
بجنبك أنا بقدر نام وبحبّك بنسى الأحزان

     * * * * *

ما بنسى قدومك لعندي
ولا البسمة العاشت عَ خدّي
واسمعتك وفتحت الباب

     * * * * *

علّمني أقبل تحدي
واتغلّب على كفري وضعفي
وانسالي كل الأخطاء

     * * * * *

لا كلمة حلوي ولا بسمة
ولا فكرة مرسومة بفنّي
هالقصّة قصّة حياة