مصلوب

أيمن كفروني

مصلوب شوفوا يا بشر كرمال ذنبي ينغفر
عريان والجسم انضرب والشوك اكليل انضفر
بريء مع لص انصلب مذلول00 ومحتقر
كرمالي يا بشر
         * * * * * * * * * *
إذا عارف إنك غلطان وناوي التوبة من قلبك
وبدك تحصل عالغفران وحدا يحمل عنك ذنبك
تعا وقف جنبي يا خيي وتحرر من هلعبودية
ما في غيرو بيعطي الحرية يسوع اللي انتصر

          * * * * * * * * * *
صدقني إنو حرام تبقى عايش بذنوبك
كيف قادر تغفى وتنام والشر مغطى دروبك
مش رح بفيدك تأجيلك يمكن هالليلة يناديلك
انا من قلبي عم صليلك بدمو تنستر

لا لن أرى حباً

أيمن كفروني

لا لن أرى حباً

أعظم وأقوى من حبك

فوق الصليب يا سيدي

اخترته طوعاً

وهو عقاب عادل لآثم متمرد

     * * * * * * * *

كشاة تساق للذبح لم تفتح فاك

كنعجة صامتة اقتادوك للصلب هناك

في الجلجثة في الجلجثة

فوق الصليب في الجلجثة

     * * * * * * * *

لمنا وعيّرنا بطرس بالجبن يوم أنكرك

كلنا قد قلنا خائن ليهوذا حين أسلمك

ونحن اليوم أمام الناس نستحي بك ننكرك

بقطعتين من النحاس مثل يهوذا نسلمك

ورغم ذاك نحن نراك تنسى أساك بحبك المتجدد

     * * * * * * * *

الجمع كان ينادي لبراباس يطلق بالإفراج

صلبك كان مطلبهم أن تجلد أنت بالكرباج

حاكموك عيّروك حمّلوك صليب العار

بين لصوص علّقوك أيها القدوس البار

ورغم ذاك نحن نراك تنسى أساك بحبك المتجدد

زيت القونة

جوقة الوادي

والأب رزق الله سمعان

زيت القونة بعيوني شفتو يا ريت
بتصير عيوني قونة ودموعي زيت
      * * * * * * *
زيتك يا عدرا خلاّ غصن الزيتون
معلاّ والحبّ مدلاّ من أحلى غصون
كل مين لـ الله صلاّ خيّي بيكون
وكل مين صلِّت لـ الله بتصفّي خيْت
     * * * * * * *
عمت مسيت في هالبيت صفّى من الصورة سما الإلهام صفّى
المؤمن كاسة الإيمان صفّى وركع قدام هالصورة قربان
     * * * * * * *
بالريح الشرّ تقوّى وهبوب الريح
لوّى الإنسان ولوّى زهور التسبيح
فزّعنا العتم وسوّى القنديل شحيح
وزيتك وحده اللي ضوّى قنديل الزيت
     * * * * * * *
ياما بسنين المحنة كنت المغلوب
وياما ضعفي بيجرحني وبنسى المصلوب
امسحني بالزيت امسحني ت إرجع توب
حتى يعود يفرّحني الزيت بهالبيت

كل ما بالزيت تعبّى جرن القونة

جوقة الوادي

والأب رزق الله سمعان

كل ما بالزيت تعبّى جرن القونة
بيسكب دمعي اللي مخبّى بجرن عيوني
      * * * * * *
يا عدرا الصوفانية يا نبع الزيت
وعّيتِ الإنسانية وحييتِ الميت
يا بركة ربانية نزْلت عالبيت
بالروح النورانية ولادِك صوني
      * * * * * *
يا عدرا عم قابيلك نحنا جينا
تَ نتوب وتَ نحكيلك علّي فينا
ساعة ما منصليلك عمتشفينا
وساعة ما منّاديلك عم بتكوني
      * * * * * *
زيتك رجّع بسمتنا وفيه وعينا
وظهوراتك واستنا عمْ تحيينا
مريم يا قديستنا وصيتينا
تَ نوّحد كنيستنا هالمحزونة
      * * * * * *
يا عدرا الصوفانية هالشمل التَمْ
عالبركة المجانية تيزيح الهم
يا أمي الأولانية ويا أحلى أم
أمي بتصبح تانيّة لم بتكوني

يا عدرا عمري دمعة دمعة بيدوب

جوقة الوادي

والأب رزق الله سمعان

يا عدرا عمري دمعة دمعة بيدوب
مستحلي كون الشمعة قبال المصلوب
     * * * * * *
يا صوفانية جينا من بعيد بعيد
تّ نضمّك وتضمينا ونعملّك عيد
عودي بعيدِك لمّينا تَ نعود نعيد
وحدتنا وتقوينا وحدة القلوب
     * * * * * *
العدرا حمْلت بإيديها عمّانوئيل
وعمّانوئيل عليها يضوّي قناديل
والعدرا اللي بعينيها دمعة راحيل
راجع هالعالم ليها رجعة يعقوب
     * * * * * *
يا يوحنّا ويا متّى ويا مار اليان
صلّوا حتى يتأتى علينا الغفران
الله اللي علينا شتّى زيت الإيمان
من الصوفانيّة حتى نرجع ونتوب
     * * * * * *
وحده الإنجيل كتابي وآياته شموع
بِركع وبسكِّر بابي وبِسمع يسوع
حتى لو دابوا ركابي ما بمِلّ ركوع
ولو دمعي فوق تيابي صار يعطي دروب

فرحانين يا عدرا

جوقة الوادي

والأب رزق الله سمعان

فرحانين يا عدرا
فرحانين ياعدرا نحنا فيكي فرحانين
سهرانين يا عدر قبال الصورة سهرانين
     * * * * *
رجعينا ولاد زغار
علمينا عليكِ نغار
للفادي نجيب الأزهار
ت نعملهم شعانين
     * * * * *
خلّيني دوب قبال
هالقونة وصير خيال
لا تخلّيني لص شمال
خلّيني اللص اليمين
     * * * * *
كل ليلة وعنّا عيد
كل عيد بحبّ جديد
والعدرا عطيتنا إيد
شدّت إيد التعبانين
     * * * * *
علّمني يا المصلوب
صلّي وعلّمني توب
إنتَ كاسي والمشروب
وإنتَ رغيف الجوعانين
     * * * * *
ندمانين يا عدرا
عَ خطايانا ندمانين
خاطيين يا عدرا
حنّي عَ هالخاطئين

يا قلب العدرا اسمعنا

جوقة الوادي

والأب رزق الله سمعان

يا قلب العدرا اسمعنا بكينا وهلّوا مدامعنا
انتَ وسعك وسع الكون وما غيرك يوسعنا

باسم العدرا والفادي الصوفانية بتنادي
تجمعنا وصارت عادة واسم العدرا يجمعنا

اعطينا بركة من إيدك يا عدرا بليلة عيدك
نحنا دايماً منريدك تبقي يا عدرا معنا

لإسمك ضوّينا شموع وقدّامك ما شبعنا ركوع
جيناكِ وفي عنّا جوع إلاّ منّك ما شبعنا